Кремльде өткен көпсағаттық келіссөздер барысында АҚШ ұсынған Украинадағы қақтығысты реттеу жоспары талқыланды, деп хабарлайды Jambylinfo.kz 

Ресей президенті Владимир Путин Дональд Трамптың арнайы өкілі Стив Уиткоффпен бес сағатқа жуық сөйлесті. 

Алайда Кремль таратқан ақпаратқа сүйенсек, тараптар әзірге ортақ мәмілеге жете алған жоқ.

Кездесу барысында соғысты тоқтатуға бағытталған бірнеше нұсқа қарастырылды. Мәскеу Вашингтон әзірлеген бастапқы ұсыныстан бөлек, қосымша төрт құжат алған. Путиннің көмекшісі Юрий Ушаковтың айтуынша, Ресей АҚШ-тың бірқатар бастамасына қатысты сын-пікірлерін ашық білдірген. Келіссөздерде аумақтық мәселелер де көтерілген.