Денсаулық сақтау министрлігі медициналық кадрларды даярлау және бекіту жүйесін қайта қарауда, деп хабарлайды Jambylinfo.kz 

Мамандардың тапшылығын төмендету және олардың біліктілігін арттыру үшін министрлік ақылы бөлімге түсушілер үшін ҰБТ шегін 80-90 балға дейін көтерді және үшінші курстан кейін білімін міндетті тексеруді енгізді, оның қорытындысы бойынша үлгермеген студенттер оқудан шығарылады. 

Теория мен практиканың арасындағы алшақтықты азайту үшін оқу жоспарларына бір уақытта 300 сағаттық бейіндік пәндер қосылды.

- Кадрларды даярлау енді ЖОО, студент және аурухана арасындағы үш жақты шарттар жүйесі арқылы олардың болашақ жұмысқа орналасуымен тікелей байланысты — мұндай міндеттемелерді резиденттердің 70%-ы ресімдеген. 

Жас мамандардың практикалық желіге жедел шығуыүшін терапия, педиатрия және хирургияны қоса алғанда, алты негізгі бағыт бойынша интернатура қалпына келтірілді.

Бұл шаралар ауылдық денсаулық сақтауды кадрлармен белсенді түрде толықтыруға мүмкіндік берді. 

Жергілікті жерлерде дәрігерлерді бекіту үшін мемлекет әлеуметтік қолдауды екі есеге арттырды: 2025 жылы тапшы мамандықтағы 529 дәрігер 8,5 млн теңгеден көтермежәрдем алды. 

Жеңілдіктер мен қызметтік тұрғын үйді пайдаланған дәрігерлер санының жалпы өсуі 30%-ды құрады, бұл ауылдарға мыңнан астам маманның келуін қамтамасыз етті, - делінген Денсаулық сақтау министрлігінің хабарламасында.

Министрлік қаржылық ынталандырумен қатар медициналық персоналды қорғау құралдарын енгізуде. ІІМ-мен бірлесіп медициналық мекемелерде полиция посттары орнатылады, ал жедел жәрдем фельдшерлері үшін бейнежетондар сатып алынады. 

Сонымен қатар, 190 мың қызметкерді қамтыған кәсіби жауапкершіліктісақтандыру институты дамып келеді, оның қызметі қазір3,1 млрд теңге көлемінде сақтандыру қорымен қорғалған.

Кешенді шаралардың нәтижесінде Қазақстандадәрігерлердің жалпы тапшылығы 19,6%-ға, ал ауылдықжерлерде 26,7%-ға төмендеді.