Синоптиктердің болжамынша, тұрақсыз ауа райы циклондар мен антициклондардың жиі алмасуына байланысты орын алуда, деп хабарлайды Jambylinfo.kz 

Елдің батысы мен оңтүстігінде жаңбыр жауып, найзағай ойнайды деп күтілуде. Ал солтүстік-батыс, солтүстік, шығыс және орталық өңірлерде түнгі уақытта жауын-шашын (жаңбыр мен қар), ал күндіз жаңбыр жауады.

11 сәуірге қараған түні Қазақстанның шығыс аймақтарында қар жаууы мүмкін. Сонымен қатар, 11 сәуір күні елдің батысында қатты жаңбыр жауып, кей жерлерде бұршақ түсуі ықтимал.

Синоптиктер республика бойынша тұман түсіп, көріну деңгейі төмендейтінін де ескертеді.