Қазақстанда құрылыс саласы цифрландырылуда: азаматтар мен бизнес үшін не өзгереді
Мемлекет басшысының тапсырмасы бойынша Қазақстанда цифрлық экожүйе енгізілуде.
Бұрын бытыраңқы жоспарлау және қадағалау процестерін бір ашық жүйеге біріктірген Бірыңғай құрылыс порталы іске қосылуда, деп хабарлайды Jambylinfo.kz
Бұл туралы Үкімет отырысында өнеркәсіп және құрылыс министрі Ерсайын Нағаспаев мәлімдеді.
Соның ішінде ол құрылыс саласын цифрландыру жобалаудан бастап пайдалануға беруге дейінгі жобаларды жүзеге асырудың барлық кезеңдерінің толық ашықтығын қамтамасыз ететінін атап өтті. Қағаз құжат айналымына балама ретінде Мемлекеттік қала құрылысы кадастрының автоматтандырылған ақпараттық жүйесі енгізілді. Электрондық базада еліміздің барлық 89 қаласының бас жоспары жинақталған. Жүйе автоматты бақылау функциясын орындайды: егер құрылыс салушы ұсынған жобаның параметрлері қаланың бекітілген даму жоспарына сәйкес келмесе, рұқсат құжаттамасын беру бұғатталады.