Аида Балаева жұмыс істейтін жастарға арналған жалға берілетін тұрғын үй бағдарламасына қатысты маңызды өзгерістер туралы мәлімдеді, деп хабарлайды Jambylinfo.kz 

Оның айтуынша, 2026 жылғы 9 қаңтарда Құрылыс кодексіне қол қойылып, соның негізінде бірқатар заңнамалық түзетулер енгізілген.

Осы өзгерістерге сәйкес, 2026 жылғы 27 наурыздағы бұйрықпен «жұмыс істейтін жастарға сатып алу құқығынсыз жалға берілетін тұрғын үй беру» қағидалары күшін жойды. Нәтижесінде аталған тұрғын үй бағдарламасы тоқтатылатын болды.

Ал босайтын тұрғын үйлерді әрі қарай пайдалану мәселесі тұрғын үй заңнамасына сәйкес және белгіленген кезек тәртібімен шешіледі.