Қазақстанда 16 жасқа дейінгі балалардың әлеуметтік желілерге тіркелуіне тыйым салуды көздейтін заң жобасы қоғамдық талқылауға шығарылды, деп хабарлайды Jambylinfo.kz 

4 желтоқсан күні "Ашық НҚА" порталында «Қазақстан Республикасының кейбір заңнамалық актілеріне онлайн-платформалар мен масс-медиаға қатысты өзгерістер мен толықтырулар енгізу туралы» заң жобасы жарияланды.

Құжатта «Балаларды денсаулығы мен дамуына зиян келтіретін ақпараттан қорғау ерекшеліктері» атты 10-1-бап ұсынылған.

Ондағы нормаға сәйкес, 16 жасқа толмаған балаларға мессенджерлерден басқа онлайн-платформаларғада аккаунт ашып, тіркелуге шектеу енгізу жоспарланып отыр.

Заң жобасы 29 желтоқсанға дейін қоғамдық талқылауда болады.