Қазақстанның басым бөлігінде алдағы күндері солтүстік-батыс циклонының және оған ілескен атмосфералық фронтальды бөліктердің әсері байқалады. Соның салдарынан көптеген өңірлерде найзағаймен бірге өткінші жаңбыр жауып, қатты жел тұрады.

Синоптиктердің болжамынша:

6 қыркүйекте солтүстік-батыста,

7–8 қыркүйекте солтүстікте,

8 қыркүйекте шығыс пен орталықта қатты жаңбыр жауып, бұршақ пен дауылды жел күтіледі.

Бұған қоса, республика бойынша желдің күшеюі болжанып отыр. Түнгі және таңертеңгі уақытта солтүстік-батыста, солтүстікте, шығыста және орталық өңірлерде тұман түсуі ықтимал. Ал еліміздің оңтүстік-батысы мен оңтүстігінде шаңды дауыл көтерілуі мүмкін.

"Температуралық фон бойынша ауа температурасының төмендеуі күтіледі:

Солтүстік-батыста түнде +8…+16°С, күндіз +15…+25°С;

Солтүстікте түнде +8…+15°С, күндіз +13…+20°С;

Орталықта түнде +7…+18°С, күндіз +15…+23°С;

Оңтүстікте түнде +12…+20°С, күндіз +22…+30°С;

Шығыста температура көтеріледі – түнде +5…+15°С, күндіз +20…+28°С;

Батыста және оңтүстік-шығыста температуралық фон айтарлықтай өзгермейді", — делінген хабарламада.