«ҚазАвтоЖол» ҰК» АҚ мәліметінше, қолайсыз ауа райына байланысты еліміздің бірқатар республикалық маңызы бар автожол учаскелерінде барлық көлік түрлерінің қозғалысына уақытша шектеу қойылды, деп хабарлайды Jambylinfo.kz 

Қарағанды облысы:

Сарышаған кенті – Жамбыл облысы шекарасы

Жамбыл облысы:

Қарағанды облысының шекарасы – Бурылбайтал ауылы

Жол қозғалысын 2026 жылғы 27 ақпан сағат 08:00-де қайта ашу жоспарланып отыр.

ТЖМ ескертуі

Қазақстан Төтенше жағдайлар министрлігі азаматтарды ауа райының нашарлауына байланысты қауіпсіздік шараларын қатаң сақтауға шақырады.

Мамандар төмендегі ұсыныстарды ескертеді:

дауылды ескертулерді тұрақты түрде қадағалау;

автожолдардың жабылуы туралы ресми хабарламаларды назарға алу;

алыс қашықтыққа сапарға шығудан, әсіресе түнгі уақытта жолға шығудан және жаяу жүруден бас тарту.

Құзырлы органдар жағдай тұрақталғанға дейін тұрғындарды сақ болуға және тек ресми ақпарат көздеріне сүйенуге шақырады.