Сақ болыңыз: "Қазпоштаданбыз" деген алаяқтар көбейді
Бұл туралы Жамбыл облыстық полиция департаментінің баспасөз қызметі мәлімдеді
Жамбыл облысында телефон арқылы жасалатын алаяқтық көбейіп келеді, деп хабарлайды Jambylinfo.kz
Қазпошта қызметкері болып қоңырау шалып, "сәлемдеме жеткізу" сылтауымен азаматтардың жеке деректерін және 1414-тен келген SMS-кодтарды сұрайды.
Алаяқтықтың негізгі схемасы:
1. Қоңырау шалып, сізге сәлемдеме келгенін хабарлайды;
2. Мекенжайыңызды және ЖСН сынды деректерді сұрайды;
3. 1414-тен келген кодты "растау үшін" айтуыңызды өтінеді.
Назар аударыңыз: бұл код — банктік операцияны немесе жеке кабинетке кіруді растау үшін қажет. Оны айту — шотыңызға рұқсатсыз қол жеткізуге мүмкіндік береді.
Полиция департаменті ескертеді:
Бөгде адамдарға банк картасының деректемелері мен SMS-кодтарды айтпаңыз;
Күдікті сілтемелерге өтпеңіз;
Сәлемдеме туралы ақпаратты тек ресми арналардан тексеріңіз:
Қазпоштаның мобильді қосымшасы
www.kazpost.kz
1499 call-орталығы
Жеке мәліметтеріңізді құпия ұстаңыз. Қауіпсіздік — өзіңізден басталады!