"Қазгидромет" 28-30 қазан аралығына арналған ауа райы болжамын жариялады, деп хабарлайды Jambylinfo.kz 

Метеорологтардың айтуынша, Атлантикадан келген циклонның әсерінен Батыс Қазақстанда жаңбыр жауып, жел күшейеді. Кейбір аймақтарда жауын кешке дейін созылады.

Солтүстік, орталық және шығыс өңірлерде негізінен жауын-шашынсыз ауа райы күтіледі. Алайда 30 қазан күні солтүстік облыстарда бұлтты ауа массаларының әсерінен аздап жауын жаууы мүмкін.

Оңтүстік аймақтарда атмосфералық фронттардың өтуіне байланысты өткінші жаңбыр жауады, ал таулы жерлерде ол қар түріне ауысуы ықтимал.

Республиканың басым бөлігінде күн күрт суымайды. Ауа температурасы шамамен:

Солтүстікте: +10…+15 °C,

Орталық пен шығыста: +10…+18 °C,

Оңтүстікте: +20…+28 °C,

Батыс пен оңтүстік-шығыста: +9…+17 °C аралығында болады.

Түнгі және таңғы уақытта көптеген өңірлерде тұман түседі.