Қызылорда облысына жұмыс сапары шеңберінде денсаулық сақтау министрі Ақмарал Әлназарова бір ауысымда 100 адам қабылдайтын емханасы және онкологиялық бөлімшесі бар 300 төсектік көпбейінді аурухананың құрылыс алаңына барды.
Өңір тұрғындары үшін әлеуметтік маңызы бар нысан Мемлекет басшысының тапсырмасы бойынша салынып жатыр. Жоба заманауи инженерлік шешімдерді енгізуді және аурухананы жаңа медициналық жабдықтармен жабдықтауды көздейді, деп хабарлайды Jambylinfo.kz
Көпбейінді аурухана халықаралық стандарттарға сәйкес келетін диагностика және емдеу саласында жоғары технологиялық медициналық қызметтерді енгізу бойынша флагманға айналады, бұл олардың сапасы мен өңір тұрғындары үшін қолжетімділігін айтарлықтай арттыруға мүмкіндік береді.
Кешен емхана, пансионат, конференц-зал, асхана, физиотерапия бөлімшесі, қабылдау бөлімшесі, әкімшілік блок, реанимация, химиотерапия және радиотерапия бөлімшелері, сондай-ақ операциялық блок сияқты 10 функционалдық блоктан тұрады.
Сонымен қатар, Мемлекет басшысының тапсырмасына сәйкес еліміздің 12 өңірінде заманауи перинаталдық орталықтар салу көзделген.
Сондай-ақ Қызылордада 200 төсектік перинаталдық орталықтың іргетасын қалау рәсімі өтті, онда халықаралық тәжірибелер мен озық медициналық технологиялар енгізіледі.
Денсаулық сақтау министрлігі инфрақұрылымды жаңғырту және өңірде мамандандырылған медициналық көмек көрсетудің заманауи моделін қалыптастыру бойынша жүйелі жұмысты жалғастырады.
Ұқсас жаңалықтар
