АҚШ әуежайларында жаңа ереже: жолаушыларға аяқ киімді шешпеуге рұқсат етілді

Бұл өзгеріс соңғы жиырма жылда алғаш рет енгізіліп отыр, деп хабарлайды Jambylinfo.kz The Guardian-ға сілтеме жасап.

"Бұл шешім тексеру бекеттеріндегі кезекті айтарлықтай қысқартып, жолаушылар үшін процесті жеңіл әрі тиімді етеді деп күтеміз", – деді АҚШ Ішкі қауіпсіздік министрі Кристи Ноэм.

Дегенмен, жолаушылар белдік пен сырт киімін шешіп, ноутбук пен сұйықтықтарды қол жүгінен шығару міндетінен босатылмайды. Бұл талаптардан тек TSA PreCheck бағдарламасына тіркелгендер ғана босатылады. Бағдарламаға кіру құны – бес жылға шамамен 80 доллар.

АҚШ-та әуе қауіпсіздігіне қойылатын талаптар 2001 жылғы 11 қыркүйектегі терактілерден кейін күшейтілген болатын. Сол жылдың желтоқсанында Ричард Рид Париж – Майами рейсінде аяқ киіміне жасырылған жарылғыш затты іске қоспақ болған, алайда жолаушылар оны тоқтатып, ол өмір бойына түрмеге кесілген.