Апат 21 шілде күні орын алған. Әуеге енді ғана көтерілген F-7 BGI маркалы жойғыш ұшағы Milestone School and College-нің аумағына құлаған, деп хабарлайды Jambylinfo.kz 

Оқиға кезінде ғимарат ішінде сабақ пен емтихандар өтіп жатқан. Құрбандар арасында оқушылар, мұғалімдер және ұшқыш бар. Тағы 88 адам түрлі дәрежедегі күйікпен ауруханаларға жеткізілді.

Елде ұлттық аза тұту күні жарияланды. Мемлекеттік тулар төмен түсіріліп, мешіттерде, храмдар мен шіркеулерде арнайы діни рәсімдер өтуде. Үкімет тарапынан апаттың себебін анықтау үшін арнайы комиссия құрылды.

F-7 BGI – Қытайда жасалған J-7/F-7 ұшақтарының ең заманауи нұсқасы. Бұл үлгідегі 16 ұшақ 2013 жылы Бангладеш әуе күштерінің қаруына қабылданған.

Айта кетейік, бұл трагедия бірнеше апта бұрын көрші Үндістанда болған соңғы он жылдағы ең ірі әуе апатынан кейін тіркеліп отыр.