Судандағы тоқтаусыз қарулы қақтығыс салдарынан 21 миллионнан астам адам аштыққа тап болды, деп хабарлайды Jambylinfo.kz 

БҰҰ таратқан жаңа мәліметтерге сәйкес, елде әскер мен жедел әрекет ету күштері арасындағы үш жылға жуық қақтығыс 21,2 миллион тұрғынның азық-түлік тапшылығымен күресуіне әкелген. Ұйым екі өңірде аштық фактісі ресми түрде расталғанын мәлімдеді.

Соған қарамастан, кейбір аймақтардағы жағдай біршама тұрақтанып, халықаралық ұйымдардың азық-түлік көмегіне қолжетімділік арта бастаған.

2023 жылдың сәуірінде басталған соғыс Суданның көптеген өңіріне ауыр соққы болып тиді. Соның ішінде Фашир қаласы жедел әрекет ету күштерінің бақылауына өтіп, әлеуметтік желілерде жарияланған кадрлар бейбіт тұрғындардың күштеп көшіру мен азаптауға ұшырағанын көрсетеді.