Астанада баспанасы жоқ тұрғындарға 500 пәтер тегін берілді
Болат Өтемұратов қоры Астана қаласының әкімдігіне жалпы құны 10,5 миллиард теңгені құрайтын 500 пәтерді баспанаға мұқтаж қазақстандықтарға тегін беру үшін ресми түрде табыстады, деп хабарлайды Jambylinfo.kz.
«Баламекен» қайырымдылық жобасы аясында жаңа пәтерге ие болғандардың қатарында дәрігерлер, мұғалімдер, құтқарушылар және өзге де бюджет саласының қызметкерлері бар.
Қор берген пәтерлер «Комфорт» санатына жатады және елорданың заманауи тұрғын үй кешендерінде орналасқан. Барлық тұрғын үйлер жылдам жүретін лифттермен, бет-әлпетті тану жүйесімен, жер асты автотұрақтарымен жабдықталған әрі кең аулалары бар.
Астана әкімі Жеңіс Қасымбек маңызды әрі дер кезінде жүзеге асқан қайырымдылық бастама үшін алғысын білдірді:
Жаңа пәтерге ие болған өрт сөндіруші Ерлан Шайхымов өз қуанышымен бөлісті:
Болат Өтемұратов қорының «Баламекен» қайырымдылық жобасы 2019 жылы баспанаға мұқтаж қазақстандықтарды тұрғын үймен қамтамасыз ету мақсатында іске қосылған. Жоба аясында Ақтөбе, Ақмола, Қызылорда және Түркістан облыстарында 1 000-ға жуық отбасы, оның ішінде мүмкіндігі шектеулі жандар, көпбалалы отбасылар мен табиғи апаттан зардап шеккендер баспаналы болды.