Сәрсенбі, 16 шілде күні Қазақстан аумағында теледидар мен радионың жұмысы уақытша тоқтатылады, деп хабарлайды Jambylinfo.kz

Хабар тарату сағат 03:00-ден 17:00-ге дейін тоқтатылады. Компанияның мәліметінше, бұл уақытта жоспарлы профилактикалық жұмыстар жүргізіледі.

«Мұндай техникалық жұмыстар әр тоқсан сайын өткізіледі. Мақсат – спутниктік, цифрлық және аналогтық желілер арқылы телерадио хабар тарату сапасын жақсарту және үздіксіз қызметті қамтамасыз ету», – делінген ресми хабарламада.

Бұған дейін «Қазтелерадио» Алматыда 15–18 шілде аралығында хабар таратуда шектеулер болатынын ескерткен еді. Бұл – Көктөбе телемұнарасында жоспардан тыс техникалық жұмыстардың жүргізілуіне байланысты.