Қыркүйек айы Қазақстанда күзгі маусымды елдің батыс аймақтарын қоспағанда, қысқа мерзімді салқындаумен ашпақ, деп хабарлайды Jambylinfo.kz 

Салехард аймағынан келген суық ауа массаларының әсерінен ауа температурасы төмендеп, республиканың оңтүстік-шығысы мен шығысындағы таулы аудандарда жаңбыр мен жылбысқы қар жаууы мүмкін.

Бірінші онкүндік – құбылмалы күндер

Айдың алғашқы күндерінде Қазақстанның басым бөлігінде тұрақсыз ауа райы болжануда. Жаңбыр, найзағай, бұршақ және екпінді жел күтіледі. Жауын-шашын басылған тұста солтүстік, орталық және шығыс өңірлерде алғашқы үсік байқалуы ықтимал. Сондай-ақ түнгі және таңғы уақыттарда елдің солтүстік бөлігінде тұман түседі.

Батыс пен оңтүстік-батыста қыркүйектің басында ауа температурасы күндіз +32...+40°С-қа дейін көтерілсе, онкүндіктің ортасына қарай +17...+25°С-қа дейін төмендейді.

Қызылорда және Түркістан облыстарында ауа температурасы +25...+32°С-тан +30...+39°С-қа дейін жоғарылайды.

Елдің оңтүстік-шығысында түнгі температура +8...+13°С-тан +13...+18°С-қа, ал күндізгі көрсеткіштер +18...+23°С-тан +28...+35°С-қа дейін көтеріледі.

Екінші және үшінші онкүндік – алғашқы суық күндер

Айдың екінші және үшінші онкүндігінде температуралық фонның жиі өзгерістері күтіледі.

Батыс және солтүстік-батыс өңірлерінде түнгі температура +13...+19°С-тан +2...+12°С-қа дейін төмендеп, топырақ бетінде 3°С-қа дейін үсік жүруі мүмкін. Күндіз ауа температурасы +25...+32°С-тан +18...+26°С аралығында құбылады.

Солтүстік, орталық және шығыс аймақтарда түнде +1...+6°С аралығында болып, үшінші онкүндікте 1-6°С үсік күтіледі. Күндіз ауа +8...+13°С пен +20...+28°С аралығында ауытқиды.

Елдің оңтүстік бөлігіндегі ең суық күндер түнде топырақ бетінде 3°С үсік байқалуы мүмкін. Күндіз ауа температурасы +11...+20°С дейін төмендейді. Алайда кейбір күндері қайтадан ыстық ауа райы орнап, күндізгі көрсеткіштер +25...+35°С-қа дейін көтеріледі.

Қорытынды

Қыркүйек – Қазақстанда жаздан күзге өтетін құбылмалы кезең. Ыстық күндер мен алғашқы салқын түндер алмасып, елдің әр өңірінде ауа райы әртүрлі сипатта болады. Әсіресе, айдың екінші жартысынан бастап тұрғындарға жылы киімдерді әзірлеп, таңғы және түнгі үсіктерге дайын болу ұсынылады.