"Қазгидромет" мәліметінше, 29 тамыздан бастап еліміздің солтүстік, шығыс және орталық өңірлерінде күн құбылып, жаңбыр жауып, найзағай ойнайды, деп хабарлайды Jambylinfo.kz 

30 тамыз – Конституция күні қатты жаңбыр, бұршақ және екпінді жел болуы мүмкін. Сондай-ақ, оңтүстік-шығыста да жауын-шашын күтіледі. Ал батыс пен солтүстікте алдағы үш күнде түнгі және таңғы уақыттарда тұман түсу ықтимал.

Температура солтүстікте +15...+23 градусқа дейін, орталық пен шығыста +17...+28-ге дейін төмендейді. Оңтүстікте +26...+35, батыста +20...+31, оңтүстік-батыста +27...+35, ал оңтүстік-шығыста +33...+38 градус болады. Таулы өңірлерде +23...+28 шамасында күтіледі.