Қазгидромет таратқан мәліметке сүйенсек, 18-20 қыркүйек аралығында еліміздің көптеген өңірінде ауа райы құбылмалы болады, деп хабарлайды Jambylinfo.kz 

Батыс пен солтүстік-батыстан басқа аймақтардың бәрінде найзағаймен бірге жаңбыр жауады. 18 және 20 қыркүйекте солтүстік-шығыс, оңтүстік-шығыс және орталық өңірлерде қатты жауын-шашын күтіліп, дауылды жел соғады, бұршақ түсуі ықтимал. Сондай-ақ солтүстік аймақтарда түнде және таңертең тұман түседі.

«Оңтүстік циклон және онымен байланысты атмосфералық фронттар Қазақстанның басым бөлігіне әсерін жалғастыруда», – деп мәлімдеді синоптиктер.

ААуа температурасының болжамы:

Батыста: түнде +10...+18, күндіз +18...+23;

Солтүстік-батыста: түнде +1...+10, күндіз +18...+25;

Солтүстікте: түнде +2...+10, күндіз +17...+23;

Орталықта: түнде 0...+8, күндіз +15...+25;

Шығыста: түнде +2...+13, күндіз +10...+18;

Оңтүстікте: түнде +7...+15, күндіз +20...+28;

Оңтүстік-шығыста: түнде +8...+14, күндіз +15...+25.