Елімізде азаматтарға міндетті әлеуметтік медициналық сақтандыру жүйесіндегі мәртебесін жоғалту қаупі туралы 1414 нөмірінен SMS хабарламалар жіберіле бастады, деп хабарлайды Jambylinfo.kz 

Қыркүйекте алғашқы ескертулер сақтандыру мәртебесін қазанда жоғалтуы мүмкін адамдарға жолданған. Бұл – соңғы рет маусым айында ОСМС жарнасын төлеген азаматтар.

Медициналық сақтандыру жарнасын уақытылы төлемегендер үш ай бойы шартты түрде сақтандырылған болып саналады. Бірақ бұл аралықтағы төлемдерді өтеу міндеті сақталады.

Өз мәртебеңізді тексеру үшін:

ФСМС ресми сайтына кіріңіз,

Qoldau 24/7 қосымшасын пайдаланыңыз,

Telegram-бот — SaqtandyryBot,

eGov Mobile, Damumed,

сондай-ақ банктердің мобильді қосымшалары арқылы да тексеруге болады.