Бұршақ, жаңбыр, жел: алдағы күндері ауа райы қандай болады
Бұл туралы «Қазгидромет» РМК мәлімдеді
15–17 шілде аралығында еліміздің басым бөлігінде күн күрт ысып, жаңбыр жаууы мүмкін, деп хабарлайды Jambylinfo.kz
Синоптиктердің мәліметінше, тек еліміздің оңтүстігінде ғана жауын-шашынсыз ауа райы сақталады. 16 шілдеде батыс пен солтүстікте жаңбыр күшейіп, кей жерлерде бұршақ пен дауылды жел болуы ықтимал. Көптеген өңірде желдің екпіні артып, солтүстік-батыста түнде және таңертең тұман түсуі мүмкін.
Күндіз ауа температурасы бүкіл ел аумағында +30 градустан жоғары болмақ. Солтүстікте +35 градусқа дейін ысиды, шығыста +38 градусқа дейін көтеріледі. Ал кезең соңында республиканың орталығында 40 градусқа дейін аптап болуы мүмкін.
16 және 17 шілде күндері еліміздің оңтүстік-батысында +39...+44°С аптап тіркеледі. Ал оңтүстікте үш күн қатарынан 40 градустық ыстық сақталады.