Екібастұзда мас адамдар дәрігерге шабуыл жасады
Үш мас адам травмпунктке келген дәрігерге шабуыл жасаған.
Екібастұзда медициналық мекемеде төбелес орын алды, деп хабарлайды Jambylinfo.kz
Үш мас адам травмпунктке келген дәрігерге шабуыл жасаған.
Алдын ала мәлімет бойынша, көмек сұрап келген ер адам мен оның жанындағы екі азамат өзін агрессивті ұстап, медицина қызметкеріне күш қолданған. Оларды тоқтатуға тырысқан медбике де зардап шеккен.
Оқиғаға қатысты күдіктілер ұсталып, қылмыстық іс қозғалды. Зардап шеккен дәрігерлерге қажетті медициналық көмек көрсетілуде.
Айта кетейік, медицина қызметкерлеріне күш қолданғаны үшін заң бойынша 12 жылға дейін бас бостандығынан айыру жазасы қарастырылған.