Президенттің транзиттік әлеуетті нығайту және инфрақұрылымдық даму жөніндегі тапсырмаларын жүзеге асыру шеңберінде көлік саласы экономиканың негізгі драйверлерінің біріне айналды. Тау-кен металлургиясы, мұнай-газ және аграрлық секторлардың қажеттіліктерінің өсуі жүк тасымалының тұрақты оң серпінін қамтамасыз етті.
Үкімет отырысында 11 ай ішінде саланы дамыту қорытындылары туралы көлік вице-министрі Мақсат Қалиақпаров баяндады, деп хабарлайды Jambylinfo.kz
Сала дамудың жоғары қарқынын көрсетуде. Оның айтуынша, көлік қызметтері нарығы 20,3%-ға өсті, жолаушылар ағыны 11,9%-ға артып, 1,76 млрд адамға жетті. Өңірлердің бөлінісінде 154,1% өсіммен Астана қаласы көшбасшы болды, онда қойма қызметтері мен тасымалдау көлемі айтарлықтай өсті. Жоғары көрсеткіштер Жетісу (136,6%) және Қостанай облысында (133,8%) тіркелді.
«Тасымал көлемі экономиканың жағдайын көрсетеді және негізгі көрсеткіштердің басым бөлігі бойынша өсім байқалады. Жүк тасымалы көлемінің артуы экономиканың базалық салаларының дамуы есебінен қамтамасыз етілді. Атап айтқанда: тау-кен металлургия кешені, мұнай-газ секторы, ауыл шаруашылығы, құрылыс және сауда», — деді вице-министр.
Келесі мақала
Елімізде астық экспортының көлемі артып жатыр
Ұқсас жаңалықтар
