Президент: «Ауыл әкімдері міндетті түрде білікті маман болуға тиіс»
Бұл туралы Ақорданың баспасөз қызметі мәлімдеді
Бүгін Астанада ауыл әкімдерінің республикалық диалог-платформасы өтті, деп хабарлайды Jambylinfo.kz
Ауқымды шараға еліміздің барлық өңірінен келген 2 мыңнан астам делегат қатысты.
Жиында Мемлекет басшысы Қасым-Жомарт Тоқаев сөз сөйледі.
Президент өз сөзінде ауыл әкімдерінің кәсібилігін арттыру мәселесін ерекше атап өтті.
Сонымен қатар Мемлекет басшысы кәсіби деңгейі жоғары, еңбекқор әкімдер ғана сайлаушылардың сенім артқан үмітін ақтай алатынын атап өтті.
Айта кетейік, жиында өңіріміздің Жуалы ауданындағы Қарасаз ауылдық округінің әкімі Жанар Нұрмұратқызы да сөз сөйледі. Ол елді мекенде атқарылып жатқан жұмыстарға тоқталды.
Сондай-ақ ол экологияны жақсарту бағытында жасалып жатқан қадамдарға тоқталды.