Синоптиктердің болжамынша, алдағы күндері Қазақстанның көп бөлігінде ашық, жылы, жауын-шашынсыз ауа райы сақталады, деп хабарлайды Jambylinfo.kz 

"Алдағы күндері де Қазақстан аумағының басым бөлігінде ауа райын антициклонның сілемі анықтайды. Елдің көптеген өңірлерінде ашық, жылы, жауын-шашынсыз ауа райы сақталады.

Тек республиканың батысы мен солтүстік-батысында циклон ойпатының ықпалынан жауын-шашын (негізінен жаңбыр түрінде) күтіледі.Республика аумағында желдің күшеюі болжанады, ал түнгі және таңертеңгі сағаттарда батыс, солтүстік және шығыс өңірлерінде тұман түсуі ықтимал.

Ауа температурасының айтарлықтай өзгерісі күтілмейді", – делінген хабарламада.