Бүгінде әр елдің төлқұжаты – тек жеке басты куәландыратын құжат қана емес, сонымен бірге мемлекеттің халықаралық беделін, ықпалын көрсететін маңызды құралға айналды. Қазақстан Республикасы азаматтарының шетелге шығуы кезінде қолданатын төлқұжаты – дәл сондай көрсеткіштердің бірі.
Жаһандық Passport Index платформасының 2025 жылғы жаңартылған мәліметтеріне сәйкес, Қазақстан паспортының мобильділік ұпайы – 96. Бұл – еліміздің азаматтары 96 елге визасыз, визаны шекарада алу арқылы немесе электронды түрде рәсімдеу арқылы еркін кіре алады дегенді білдіреді, деп хабарлайды Jambylinfo.kz
Нақты көрсеткіштер қандай?
Визасыз елдер саны – 42
Қазіргі таңда Қазақстан азаматтары 42 елге ешқандай виза рәсімдемей-ақ бара алады. Бұл елдерге тек төлқұжатпен кіру жеткілікті, арнайы шақыру немесе алдын ала құжат дайындау қажет емес.
Паспорт қуаттылық рейтингі – 56-орын
Әлем елдерінің төлқұжаттарын салыстыра отырып жасалған рейтинг бойынша, Қазақстан паспорты 56-орында. Бұл – жаһандық орташа деңгейге жақын нәтиже.
Жеке рейтинг (Individual Power Rank) – 110-орын
Төлқұжаттың жеке рейтингінде (яғни, елдің экономикалық, саяси және дипломатиялық ықпалы ескерілетін көрсеткіш) Қазақстан 110-орында. Бұл елдің халықаралық аренадағы визалық келісімдер мен беделіне тікелей байланысты көрсеткіш.
Әлемдік қамту ауқымы (World Reach) – 48 пайыз
Қазақстан азаматтарының визасыз немесе жеңілдетілген тәртіппен бара алатын елдердің географиясы жер шарындағы 48 пайыз аумақты қамтиды.
Бұл не үшін маңызды?
Паспорт қуаттылығы – елдің сыртқы саясаттағы жетістігі, әлемдік қауымдастықпен орнатқан сенімді қарым-қатынасы және азаматтарға жасалып отырған мүмкіндіктердің кеңеюінің айқын көрінісі. Сонымен қатар, бұл көрсеткіштер Қазақстан азаматтарының шетелде білім алуы, жұмыс істеуі және демалуы сияқты мақсаттарына жол ашатыны сөзсіз.
Алдыңғы мақала
Ұқсас жаңалықтар
