Бұдан былай мопед иелері өз көліктерін арнайы халыққа қызмет көрсету орталықтарында тіркеуге міндетті, - деп хабарлайды Jambylinfo.kz 

11 қаңтардан бастап күшіне енген жаңа ережелер мопедтерді тіркеуді жеңілдетті. Бұл үшін тек қажетті құжаттарды тапсырып, тіркеу рәсімінен өту жеткілікті. Бұған дейін тіркеуге жатпайтын, сәйкестендіру нөмірі жоқ мопедтерді де енді тіркеуге болады.

2024 жылдың қазан айында қабылданған заңға сәйкес, барлық мопед жүргізушілері енді жүргізуші куәлігін алу керек және көліктерін тіркеуге міндетті. Бұрын тек 50 км/сағ астам жылдамдыққа ие мопедтер тіркеуге алынса, жаңа заң барлық мопедтерге қатысты.

Тіркелмеген мопедтермен жүргендерге айыппұл салынып, көлік айыппұлына жіберіледі. Мысалы, бағдаршамның қызылына өткен жүргізуші 39 мың теңге көлемінде айыппұл төлейді. Мас күйінде көлік жүргізгендерге 15 тәулікке дейін қамау және 7 жылға жүргізуші куәлігінен айыру жазасы қарастырылған.

Қазіргі уақытта Қазақстанда 18 200 мопед тіркелген. Дегенмен, еліміздегі нақты мопед саны белгісіз. Ішкі істер министрлігі қазақстандықтарға мопедтерін тіркеуге арналған мерзім шектеулерін қоймағанын атап өтті. Тіркеу процедурасы кез келген уақытта жүргізілуі мүмкін.