2025 жылғы 4 - 10 шілде аралығында Астана қаласында ауыр атлетикадан жастар және жасөспірімдер арасындағы Азия чемпионаты өтеді, деп хабарлайды Jambylinfo.kz 

Турнир халықаралық күнтізбедегі маңызды жарыстардың бірі саналады және бұл жас зілтеміршілер үшін шеберліктерін көрсетуге үлкен мүмкіндік болмақ.

Чемпионат еліміздегі спортты, әсіресе ауыр атлетиканы дамытуға және халықаралық ынтымақтастықты нығайтуға бағытталған. Сонымен қатар, мұндай деңгейдегі жарыстар Қазақстанның спорттық инфрақұрылымының әлеуетін танытуға және жас спортшыларды ынталандыруға септігін тигізеді.