Лас-Вегаста өткен UFC кешінде бразилиялық Габриэль Бонфим жартылай орта салмақта ямайкалық Рэнди Браунды нокаутпен жеңді, деп хабарлайды Jambylinfo.kz 

Бұл жеңіс оған бірден төрт саты жоғары көтеріліп, үздік 10 спортшының қатарына енуге жол ашты.

Бонфим енді Колби Ковингтон, Джефф Нил, Даниэль Родригес және Гилберт Бернс сияқты тәжірибелі файтерлерден алға шықты.

Қазақстандық спортшы Шавкат Рахмонов бұл өзгерістерге қарамастан, рейтингтегі үшінші орнын сақтап қалды.

Айта кетейік, бұл салмақ дәрежесінің чемпионы — аустралиялық Джек Делла Маддалена. Ол келесі UFC 322 турнирінде ресейлік Ислам Махачевке қарсы титулдық жекпе-жек өткізеді.