Дәрігерге күш көрсеткендер 15 жылға дейін сотталуы мүмкін
Бұл өзгерістер медицина қызметкерлерінің қауіпсіздігін арттыру мақсатында қолға алынуда
Бүгін Үкіметтегі баспасөз мәслихатында ҚР Денсаулық сақтау министрі Ақмарал Әлназарова медицина қызметкерлеріне қарсы жасалатын зорлық-зомбылық әрекеттері үшін қандай жаза қарастырылатынын айтты, деп хабарлайды Jambylinfo.kz
Министрдің мәліметінше, Қылмыстық кодекске арнайы жаңа бап (158-1-бап) енгізу жоспарланып отыр. Бұл бап дәрігерлер мен медицина саласы қызметкерлерінің құқықтық қорғалуын күшейтуді көздейді.
Жаңа тәртіп бойынша:
бір медицина қызметкеріне күш көрсету немесе қорқыту әрекеттері үшін – 2 жылдан 7 жылға дейін;
төтенше жағдай кезінде жасалса – 10 жылға дейін;
бірнеше дәрігерге қарсы жасалса – 15 жылға дейін бас бостандығынан айыру жазасы қарастырылады.