Қазақстандағы жануарларды қорғау жөніндегі Inucobo қауымдастығы елордада және одан тыс жерлерде ит етін заңсыз сатудың өрескел оқиғасы туралы хабарлады.   Еріктілердің айтуынша, олар сатып алушы атын жамылып, Ақмола облысындағы ит аулауға барған. «Ешкімнен қорықпайды, бір жарым тонна іріктелген еттің 700 келісі бар деп мақтанады, ұсақ-түйекпен сауда жасамайды. Еттен чиптер мен оқтар шығуы мүмкін болғандықтан оны мұқият пісіру керектігін ескертеді» деп жазды жануарлар құқығын қорғаушылар.   Еріктілер мен полиция қызметкерлерінің көмегімен күдікті ұсталып, қару-жарақ пен 750 келіден астам ит еті тәркіленгендігі хабарланды.