«Есірткісіз болашақ»: Биыл Жамбылда 5 887 гектар аумақты қамтыған есірткі өсімдігі жойылды
Оның көлемі 3 919 тоннаны құрайды
Бүгін баспасөз алаңында баяндама жасаған облыс прокурорының орынбасары Ғалымжан Дәненов өңір бойынша 5 887 гектар аумақты қамтыған есірткі жойылғанын айтты, деп хабарлайды Jambylinfo.kz
Жыл басынан бері облыс прокуратурасы «Есірткісіз болашақ» профилактикалық жобасын іске асыруда. Іс-шара аясында жабайы қарасора өсетін нақты учаскелер айқындалып, жалпы көлемі 5 887 гектар аумақта 3 919 тонна есірткі құрамды өсімдіктер жойылған.
Ғалымжан Дәненовтың айтуынша, құқық қорғау және арнаулы органдармен бірлесіп қабылданған шаралар нәтижесінде қылмыстарды анықтау көрсеткіші 10,1 %-ға артқан. Прокуратураның үйлестіруімен 1 фитозертхана және еліміздің басқа өңірлеріне есірткі жеткізу арналарын қамтамасыз еткен 2 наркозертхана анықталған.