Жамбыл облысы бойынша ҚАЖ департаментіне қарасты №58 мекемесінде сотталғандар арасында әлеуметтік психологиялық  тәрбие жұмысы бөлімінің психолог мамандарымен,  М.Х.Дулати атындағы мемлекеттік университетінің магистр психологы А.Т. Абдрахмановамен бірлесіп профилактикалық есепте тұрған сотталғандармен "Өмірдің құндылықтары неде және  суицидалдық бағыттың алдын алу" атты  тақырыпта тренинг өтті, деп хабарлайды Jambylinfo.kz 

Қазіргі қоғамда "суицид" бірінші орынды алатын өзекті мәселелердің бірі, әсіресе сотталғандардың арасында жиі кездеседі. Темір тордың ар жағында отырып " өмірімнің мағынасы жоқ", "маған енді ешкім сенбейді" т.с.с. ойлар жиі мазалауы  мүмкін.

Сотталған азаматтар арасында өмірдің мәнін жоғалту, үмітсіздік сезімі жиі кездеседі, ал мұндай ойлар суицидке тікелей апаратын факторлар болып табылады. Тренинг барысында сотталғандармен практикалық жүзінде "менің бес кұндылығым", "менің есімімнің  тарихы" атты жаттығулар өткізілді. Олар  өз ойларымен ашық бөлісіп, сезімдерін шығарып ортаға салды, жаксы әсерлерімен бөлісті.