Жамбыл облысында ауылдық елді мекендерге аса қажетті медициналық мамандықтар бойынша жұмысқа барған дәрігерлерге біржолғы әлеуметтік төлем ретінде 8,5 миллион теңге беріледі, деп хабарлайды Jambylinfo.kz 

"Бұл шара Жамбыл облысы әкімдігінің 2025 жылғы 15 қыркүйектегі №192 қаулысымен бекітілген аса тапшы медициналық мамандықтар тізбесіне сәйкес жүзеге асырылады. 

Қаулы Қазақстан Республикасының "Жергілікті мемлекеттік басқару және өзін-өзі басқару туралы" заңына негізделген.

Әлеуметтік қолдау кемінде бес жыл мерзімге ауылдық жерге жұмыс істеуге келген медицина қызметкерлеріне беріледі", — делінген хабарламада.