Жамбыл облысында төрт айда 60 бала үйінен кетіп қалған. Ағымдағы жылдың 4 айының қорытындысы бойынша Жамбыл облысында кәмелетке толмаған балалардың үйінен кетуінің 60 дерегі тіркелді, өткен жылдың осыған сәйкес кезеңінен (32 дерек) 87,5% - ға артық. Бұл күндері барлық жасөспірімдер табылып, ата-аналарына қайтарылды. Оларды іздеуге еріктілер мен жанашыр азаматтар да белсенді қатысқан. «Жамбыл облысының Полиция департаменті ата-аналардан қырағылық танытуды, балаларының бос уақытын және достық қарым-қатынастарын ұйымдастырып, қадағалауды сұрайды. Ересек адамдардың немқұрайлылығы кәмелетке толмағандарға қатысты, сондай-ақ олардың қатысуымен орын алатын заңға қайшы әрекеттер жасауға себеп болуы мүмкін», - деді Жамбыл облысының Полиция департаменті Криминалдық полиция басқармасының бастығы Ардақ Мадимаров.