Бүгін екі қалада ауа сапасы нашарлайды
Ауа сапасына әсер ететін негізгі факторларға желдің бағыты мен күші, жауын-шашын, ылғалдылық және ауа температурасы жатады.
Бүгін, 22 тамызда еліміздің көптеген қаласында ауа райы қолайлы болады. Алайда Ақтөбе мен Алматыда қолайсыз метеорологиялық жағдайлар болжанып отыр, деп хабарлайды Jambylinfo.kz "Қазгидромет" РМК-ға сілтеме жасап.
Мамандардың түсіндіруінше, қолайсыз метеорологиялық жағдайлар – атмосферада зиянды заттардың жиналуына ықпал ететін қысқа мерзімді құбылыстардың (тыныштық, әлсіз жел, тұман, инверсия) жиынтығы. Мұндай жағдайда ауа сапасы нашарлап, тұрғындардың денсаулығына кері әсер етуі мүмкін.