2022-2023 оқу жылынан бастап IT саласына оқуға түсетін талапкерлерге ҰБТ-ның бейіндік пәндер комбинациясы тізбесіне «Информатика» пәні енгізіледі, деп хабарлайды Жамбылинфо BAQ.KZ. сайтына сілтеме жасап.

«Информатика мұғалімдерін даярлау», «Ақпараттық технологиялар», «Ақпараттық қауіпсіздік» білім беру бағдарламалары топтарына түсушілер ҰБТ-да «Математика-Физика» емес, «Математика-нформатикадан» тест тапсырады, - деді Ұлттық тестілеу орталығының директоры Руслан Емелбаев.

Айта кетейін, наурыздағы ҰБТ кезінде пилот ретінде аталған дайындық бағыттарына түсушілерде «Математика-Информатика» комбинациясын таңдау опциясы қосымша қолжетімді болды. Бұл апробация тиісті нәтижелерді көрсетіп, бірінші кезекте қабылданатын шешімнің талапкерлер үшін оңтайлы болатынын дәлелдеді, - деді ол.