Енді мектеп ауыстыру үшін білім беру ұйымын таңдап, өтінішті электронды түрде беруге болады, деп хабарлайды Jambylinfo.kz Оқу-ағарту министрлігіне сілтеме жасап.

 Ата-аналар мен заңды өкілдер баланы бір мектептен екінші мектепке ауыстыруды eGov.kz порталы арқылы жүзеге асыра алады. 

Бұл қызмет есептен шығару және бекіту талондарын, сондай-ақ жеке іс құжаттарын тапсыруды талап етпейді. Өтініш беруші оқу тілін таңдап, қажет болса, өтінішін қайтарып ала алады.

Қызметті алу үшін:

eGov.kz порталында тіркелу;

"Білім" → "Орта білім" бөлімінде "Балаларды мектептен мектепке ауыстыру" қызметін таңдау;

Өтінішті толтырып, ЭЦҚ көмегімен қол қою;

Нәтижемен Жеке кабинетте танысу керек.