Футболдан UEFA Ұлттар лигасы алтыншы турында Қазақстан сырт алаңда Әзербайжанмен кездеседі, деп хабарлайды ҚазАқпарат . Аталған кездесу елорда уақытымен 22:00-де басталып, «Qazsport» телеарналарынан тікелей эфирде көрсетіледі. Турнир кестесінде Қазақстан құрамасы 13 ұпаймен көш басында тұрса, 7 ұпай еншілеген Словакия екінші орында келеді. Қазақстандық футболшылар бұған дейін елордада Әзербайжанды 2:0, Словакияны сырт алаңда 1:0, өз алаңында 2:1 есебімен тізе бүктірді.