Костенко шахтасындағы апатқа байланысты сот үкімі шықты, деп хабарлайды Jambylinfo.kz

Қарағандыдағы Костенко шахтасында 46 кеншінің өмірін қиған апатқа қатысты сот үкімі жарияланды.

Айыпты деп танылған шахтаның әртүрлі деңгейдегі 10 басшысына Қылмыстық кодексте қарастырылған ең қатаң жаза тағайындалды. Шахта директоры 8 жылға бас бостандығынан айырылса, өзгелері 5 жылдан 7 жылға дейінгі мерзімге сотталды. Денсаулығына байланысты бір сотталушы жазасын үй қамағында өтейтін болды.

Алты айға созылған сот процесінде 108 том материал қаралды.

Еске сала кетейік, 2023 жылдың қазан айында шахтадағы апат салдарынан 46 адам қаза тауып, шамамен 20 адам жарақат алған еді.