ҚҚС 300.00 декларациясын алдын ала толтыру сервисі пилоттық режимде іске қосылды
ҚҚС бойынша декларацияны алдын ала толтыру сервисі 300.00 нысанын 2025 жылғы 4 тоқсан үшін тапсыру кезінде қолжетімді болады.
Қазақстанда қосылған құн салығы бойынша 300.00 декларациясын алдын ала толтыруға арналған сервис пилоттық режимде іске қосылады, деп хабарлайды Jambylinfo.kz
МКК-ның мәліметінше, жаңа сервис салық төлеушілерге ҚҚС декларациясын толтыруды жеңілдетуге, есептелген салық сомаларын алдын ала көруге және қателерді азайтуға мүмкіндік береді.
Декларацияны алдын ала толтыру мемлекеттік кірістер органдарының ақпараттық жүйелерінде бар мәліметтер негізінде жүзеге асырылады, оның ішінде электрондық шот-фактуралар ақпараттық жүйесі, салық төлеушілердің жеке шоттары және тауарларға арналған декларациялар қамтылады.
Сервис аясында декларацияның 13 жолы автоматты түрде толтырылады, оларды қажет болған жағдайда пайдаланушы өз бетінше түзете алады.