Қазақстан мен Моңғолия көлік саласындағы ынтымақтастықты кеңейтпек
Бұл туралы ҚР Сыртқы істер министрлігінің баспасөз қызметі мәлімдеді
Қазақстанның Моңғолиядағы Елшісі Алмас Сейтақынов Моңғолияның Көлік және жол министрі Дэлгэрсайхан Борхумен кездесті, деп хабарлайды Jambylinfo.kz
Сұхбат барысында тараптар автомобиль, әуе және теміржол көлігі салаларындағы ынтымақтастықты дамытудың перспективаларын талқылады. Көлік саласындағы өзара іс-қимылды жандандырудың туризмді, сауданы және гуманитарлық байланыстарды кеңейту үшін айрықша маңызға ие екені аталып өтті.
Сондай-ақ көлік-логистикалық инфрақұрылымды дамыту, транзиттік әлеуетті арттыру және екіжақты тасымалдар көлемін ұлғайту мәселелеріне ерекше назар аударылды.
Кездесу қорытындысы бойынша көлік саласындағы ынтымақтастықты одан әрі тереңдетудің, сондай-ақ осы бағыттағы нақты бастамалар мен жобаларды іске асыруды қолдаудың қажеттілігі туралы ортақ түсінікке қол жеткізілді.