Қазан айында Әзербайжан президенті Ильхам Әлиев Қазақстанға мемлекеттік сапармен келуі мүмкін, деп хабарлайды Jambylinfo.kz

– Бұл мәселе жақында екі мемлекет басшыларының телефон арқылы сөйлесуінде көтерілді. Қазіргі уақытта тараптар сапардың нақты мерзімі мен оның мазмұнын талқылап жатыр, - делінген хабарламада. 

Былтыр Президент Қасым-Жомарт Тоқаев Әзербайжанға мемлекеттік сапармен барған болатын. Онда екі елдің көшбасшылары екіжақты ынтымақтастықты стратегиялық серіктестік деңгейіне көтеріп, екі мемлекеттің одақтастық қарым-қатынастарын нығайтқан маңызды құжаттарға қол қойды.