Тоқаев: "ТМД елдері қақтығыс факторларын жою үшін күш біріктіруі тиіс"
Бұл туралы Ақорданың баспасөз қызметі мәлімдеді
Қазақстан Президенті ТМД мемлекеттері басшылары кеңесінің отырысында сөз сөйледі, деп хабарлайды Jambylinfo.kz
Жиынға қатысушыларға ілтипат білдірген Қасым-Жомарт Тоқаев қонақжайлық танытып, саммитті жоғары деңгейде ұйымдастырған тәжік тарапы мен Президент Эмомали Рахмонға алғыс айтты.
Президент биыл Ұлы Жеңістің 80 жылдығы аталып өтіп жатқанын еске салды.
Мемлекет басшысының пікірінше, ТМД жаңа тарихи жағдайда мемлекеттер арасындағы сенімді арттырудың халықаралық тетігі ретінде сұранысқа ие құрылым екенін дәлелдеді.
Достастықтың 35 жылдығы қарсаңында Мемлекет басшысы елдер арасындағы стратегиялық серіктестікті дамытуға және Ұйым қызметін ілгерілетуге бағытталған бірқатар ұсынысын ортаға салды.
Қасым-Жомарт Тоқаев сауда-экономикалық байланыстарды жандандыру негізгі басымдықтардың бірі болып қалуға тиіс екенін айтты.