Бүгін Таиланд Корольдігінің астанасы Бангкокта садақ атудан Азия кубогы кезеңінің алғашқы финалдары өтті, деп хабарлайды Jambylinfo.kz 

Нәтижесінде Ұлттық құрама еншісінде 3 алтын және 1 қола медаль бар.

Алтын жүлдегерлер: Блокты садақ (әйелдер командасы): Виктория Лян, Роксана Юнусова, Диана Юнусова – финалда Үндістан құрамасын 229:227 есебімен жеңді.

Классикалық садақ (ерлер командасы): Ильфат Абдуллин, Дастан Кәрімов, Дәулеткелді Жаңбырбай – шешуші сында Үндістаннан басым түсті.

Классикалық садақ (әйелдер командасы): Диана Тұрсынбек, Самира Жұмағұлова, Александра Землянова – финалда Қытай құрамасын жеңді.

Қола жүлде: Блокты садақ (аралас команда): Виктория Лян, Бунёд Мирзаметов – кіші финалда Сингапур құрамасын 152:151 есебімен ұтты.