Эльмира Сыздықова Польшадағы халықаралық турнирде күміс жүлде иеленді
Бұл туралы ҚР Ұлттық Олимпиада комитетінің баспасөз қызметі мәлімдеді
Қазақстандық балуан Эльмира Сыздықова Варшавада өткен халықаралық турнирде 76 келіге дейінгі салмақта финалға дейін жетіп, күміс жүлдеге ие болды, деп хабарлайды Jambylinfo.kz
Қазақстандық балуан Эльмира Сыздықова әйелдер күресінен Польшаның Варшава қаласында өтіп жатқан халықаралық турнирдің финалына дейін жетті.
Спортшы бұл жарыста 76 келіге дейінгі салмақ дәрежесінде ел намысын қорғады. Жартылай финалда Сыздықова италиялық Энрика Ринальтиден басым түсіп, финалға жолдама алды. Алайда шешуші белдесуге қатыспай, турнирден бас тартты.
Нәтижесінде Эльмира Сыздықова Польшадағы турнирде күміс жүлдегер атанды. Сонымен қатар Қазақстан құрамасының қоржынына тағы бір медаль түсті. 55 келіге дейінгі салмақта Зульфия Яхиярова қола жүлде жеңіп алды.