Қазақстан тарихында тұңғыш рет осындай деңгейдегі дода ұйымдастырылмақ, деп хабарлайды Jambylinfo.kz

Бұл жарыс — Халықаралық семсерлесу федерациясы (FIE) күнтізбесіндегі басты турнирлердің бірі. Бұған дейін Әлем кубогының кезеңдерін Марракеш пен Буэнос-Айрес қабылдаса, тұрақты ұйымдастырушылар қатарында БАӘ, Германия, Швейцария және Канада бар. Енді биылдан бастап осы беделді тізімге Қазақстан да қосылып отыр.

Биылғы турнирге әлемнің 96 елінен 600-ден аса спортшы қатысады деп жоспарлануда. Жарыстар ерлер және әйелдер арасында жеке және командалық сайыстар форматында өтеді.

Қазақстан құрамасы сапында ерлер арасындағы шпага бәсекесінде Руслан Курбанов, Эльмир Алимжанов, Ерлік Сертай, Кирилл Проходов және Вадим Шарлаимов ел намысын қорғайды.