Канеломен жұдырықтасуға лайықты бес боксшының есімі аталды: олардың арасында Жәнібек те бар
12 шілдеде Нью-Йорк қаласының Куинс ауданында өтетін жекпе-жек алдында Эдгар Берланга қарсыласы Хамза Ширазды психологиялық тұрғыдан "жеңіп қойғанын" мәлімдеді.
Оның айтуынша, бұл айқаста ол Ширазды Сауль «Канело» Альварес ретінде елестетіп, болашақтағы үлкен кездесу үшін дайындалып жатыр, деп хабарлайды Jambylinfo.kz Boxing247 порталына сілтеме жасап.
Алайда сарапшылар Берланганың бұл психологиялық "ойындарын" сынға алып отыр. Егер ол бұрынғыдай орташа деңгейде өнер көрсетсе – жеңіледі. Оның Канеломен өткен кездесуі де сенімсіз болғаны белгілі.
Boxing247 порталы Берланганы Top Rank промоутерлік компаниясы "жасанды жұлдыз" етіп қалыптастырғанын атап өтеді. Ол мансабын әлсіз 16 қарсыласпен бастаған. Кейінгі жылдары C деңгейлі боксшыларға қарсы қинала бастаған соң, басты жекпе-жектерден шеттетілді. Кейін Eddie Hearn-мен келісімшартқа отырып, Джейсон Куигли мен Падрейг МакКрори секілді төмен деңгейлі қарсыластармен кездесті. Осыдан соң Канеломен титулды жекпе-жекке жол ашылғаны – нағыз "жалған мүмкіндік" деп бағаланады.
Берланганың өзі болашақта Канеломен тағы кездесуді армандайды:
«Турки мені бағаламай жүрген шығар. Менің үлкен жетістікке жететінім анық, ал Хамза – менің жолымдағы уақытша кедергі. Сондықтан мен оны елемей өте алмаймын. Бірақ Канеломен реванш – басты мақсат», – деді ол.
Дегенмен, портал шолушылары Канеломен екінші жекпе-жекке Берланга да, Шираз да лайық емес екенін ашық жазады.
Канеломен кездесуге лайық бес боксшы ретінде келесі есімдер аталады:
Кристиан Мбилли
Ослейс Иглесиас
Лестер Мартинес
Жәнібек Әлімханұлы
Йоенли Эрнандес
Айта кетейік, Жәнібек Әлімханұлы – орта салмақтағы WBO және IBF тұжырымдары бойынша әлем чемпионы. Ол соңғы жекпе-жегін 5 сәуір күні Астанада өткізіп, француз Анауэль Нгамиссенгені 2-раундта нокаутпен жеңген болатын.