Павлодар облысында ҚАЖ қызметкерлері аяқ киімге жасырылған ұялы телефонды анықтады, деп хабарлайды Jambylinfo.kz 

Павлодар облысы бойынша ҚАЖ департаментіне қарасты №63 мекеме қызметкерлері тергеу изоляторына ұялы телефонды заңсыз жеткізу әрекетінің алдын алды.

Тапсырмалар қабылдау кезінде келушілердің бірі — 2005 жылы туған азамат — тергеудегі тұлғаға арналған азық-түлік әкелген.

Заттарды тексеру барысында қызметкерлер оның алып келген қысқы аяқ киіміне назар аударып, мұқият қарау нәтижесінде аяқ киім ішінен ұқыптап жасырылған ұялы телефонды анықтады.

Тыйым салынған зат тәркіленді. Заң бұзған азаматқа Қазақстан Республикасының заңы бойынша тиісті шаралар қабылданды.

ҚАЖ департаменті тыйым салынған заттарды тергеудегі және сотталған адамдарға жасырын түрде жеткізу әрекеттері жауапкершілікке әкелетінін еске салады.