Қаламгерлерге мүмкіндік: «Асқақ рухты Әулиеата» байқауы жарияланды

Мемлекет басшысы Қасым-Жомарт Тоқаев Ұлттық құрылтайдың «Адал адам – Адал еңбек – Адал табыс» атты үшінші отырысында «Біз, ең алдымен, жастарды кітап оқуға баулуымыз керек. Сонда жаппай кітап оқитын ұлтқа айналамыз», деген болатын. Осы орайда, Президенттің ұлт руханиятын қолдау туралы тапсырмасын негізге ала отырып, Жамбыл облысы әкімдігі қазақ әдебиеті мен өнерін қолдау, қоғамда кітап оқуды насихаттау, қаламгер қауымға қолдау көрсету және таланттарды тану мақсатында поэзия, проза, драматургия, әдеби сын, сатира, балалар әдебиеті, көркем аударма бағыттары бойынша республикалық әдеби байқау жариялайды.